Sparebankstiftinga Tysnes treng logo – og me inviterer her til konkurranse

Har du ein god ide, er kreativ med blikk for design og har hjarte for lokalsamfunnet? Då er dette sjansen din til å setja eit varig preg på ei stifting som vil jobbe for utvikling og trivsel i Tysnes.

Søkjarar kan vere ein person, eit lag eller organisasjon, avdeling (bebuarar eller tilsette), barnehage, skuleklasse, familie, bedrift eller anna team.

Kva ser me etter:

• Ein tydeleg logo som formidlar kven stiftinga er og kva den står for
• Designet må fungera godt både digitalt og på trykk (t.d. nettside, dokument, t-skjorter, plakatar)
• Logoen bør fungera i både fargar og svart/kvit
• Det er òg eit ynskje om at logoen inneheld lilla-fargen til Tysnes Sparebank (Pantone 208/RGB: 143-2-61)
• Logo må òg vere lett gjenkjenneleg på små flater, t.d. 3x3 cm, (2x2cm)
• Logo må ikkje vere laga av AI

Premie: 

Vinnarbidraget blir den offisielle logoen til Sparebankstiftinga Tysnes og mottar kr. 50.000,-

I tillegg blir beste barnehage/avdeling premiert med kr. 10.000,-

og beste skuleklasse med kr. 10.000,-

Innsending:

Frist for innsending: 20.11.2025

Send til e-post: post@sparebankstiftinga-tysnes.no

Merk e-posten med «Logokonkurranse + navn»

Legg ved:

• Ei kort forklaring på tankane bak designet – kva skal logoen førestille og kvifor valde ein akkurat dette motivet.
• Nokre ord om kva premien skal brukast til

Sparebankstiftinga Tysnes skal forvalte arven etter tidligere Tysnes Sparebank, der avkastninga skal komme fellesskapet i Tysnes til gode og bidra til eit levande lokalsamfunn, på kort og lang sikt.

Me gler oss til å sjå ditt bidrag – 

LUKKE TIL!