Kunnskapsgrunnlag for framtida

Støtta kunnskapsbaserte val 
ANALYSE   PLAN   UTVIKLING

Kjerneidé

Støtta og setja i gang kartleggingar, analysar og kunnskapsarbeid som gir grunnlag for berekraftige val og langsiktig utvikling.​

Retning

Kva kunnskap treng samfunnet for å planleggja 10–20 år fram i tid – og for å ligga i forkant? Stiftinga kan bidra ved å finansiera analysar, konsekvensutgreiingar, moglegheitsstudiar og utviklings-planar som kommunen sjølv ikkje vel å gjennomføra. Slike prosjekt kan styrka kvaliteten i framtidsretta satsingar innan næringsutvikling, bustad, miljø og samfunnsliv – og vera nyttige verktøy for planlegging, prioritering og marknadsføring.

Moglege tiltak

• Moglegheitsstudiar for nye nærings- eller utviklingsområde​
• Konsekvensutgreiingar og analysar knytt til bustad, miljø eller infrastruktur​
• Framsyn- og trendanalysar (10–20 årsperspektiv)​
• Kartlegging av kompetansebehov, demografi og framtidige arbeidskraftsbehov​
• Innsamling av data og kunnskap som kan brukast til synleggjering og marknadsføring 

Mål

Bidra til at samfunnet tek kloke og framtidsretta val basert på eit solid kunnskapsgrunnlag.